Maṅgala Paritrāṇa

Mahāvihāra Lineage

Evaṃ mayā śrutam |

Ekasmin samaye bhagavān śrāvastyaṃ viharati sma jetavane ānāthapiṇḍasyārāme ||

Atha khalu anyatarā devatā abhikrāntāyāṃ rātryām abhikrāntavarṇā kevalakalpaṃ jetavanam avabhāsayitvā yena bhagavāṃs tenopasaṃkrāntā | upasakrāmitvā bhagavantaṃ abhivāditvā ekānte’sthāt ||

Ekānte sthitā khalu sā devatā bhagavantaṃ gāthayā adhyabhāṣata |

Bahavo devā manuṣyāśca
Maṅgalāni acintayan |
Ākāṅkṣamāṇāḥ svastyayanaṃ
Brūhi maṅgalam uttamam ||

Asevanā ca bālānāṃ
Paṇḍitānāṃca sevā |
Pūjā ca pūjanīyānāṃ
Etam maṅgalam uttamam ||

Pratirūpadeśavāsaśca
Pūrvaṃca kṛtapuṇyatā |
Ātmasamyakpraṇidhiśca
Etam maṅgalam uttamam ||

Bāhuśrutyaṃca śilpaṃca
Vinayo ca suśikṣitaḥ |
Subhāṣitā ca yā vāk ca
Etam maṅgalam uttamam ||

Mātāpitrorupasthānaṃ
Putradārasya saṃgrahaḥ |
Anākulāśca karmāntā
Etam maṅgalam uttamam ||

Dānaṃca dharmacaryā ca
Jñātakānāṃca saṃgrahaḥ |
Anavadyāni karmāṇi
Etam maṅgalam uttamam ||

Āratiśca viratiḥ pāpāt
Madyapānācca saṃyamaḥ |
Apramādaśca dharmeṣu
Etam maṅgalam uttamam ||

Gauravaṃca nivātaśca
Saṃtuṣṭiśca kṛtajñatā |
Kālena dharmaśravaṇam
Etam maṅgalam uttamam ||

Kṣāntiśca sauvacasyatā
Śramaṇānāṃca darśanaṃ |
Kālena dharmasaṃkathyā
Etam maṅgalam uttamam ||

Tapaśca brahmacaryaṃca
Āryasatyānāṃca darśanaṃ |
Nirvāṇasākṣātkriyā ca
Etam maṅgalam uttamam ||

Spṛṣṭasya lokadharmehi
Cittaṃ yasya na kampate |
Aśokaṃ virajaṃ kṣemam
Etam maṅgalam uttamam ||

Etādṛśāni kṛtvāna
Sarvatram aparājitāḥ |
Sarvatraṃ svastiṃ gacchanti
Taṃ teṣaṃ maṅgalam uttamaṃ’ti ||

Maṅgalasūtram